July 1, 2024 ah Criminal Law thar hmang dawn; Mizoram Police in thuchhuah siam
by Editor
ZORAM TODAY| 21st June, 2024 (Fri): Vawiin khan Mizoram Police chuan thuchhuah siamin, misual leh dan bawhchhia te hremna dan thar (Major Criminal Law) - Bharatiya Nyaya Sanhita (BNS), Bharatiya Nagarik Suraksha Sanhita (BNSS) leh Bharatiya Sakshya Adhiniyam (BSA) chu July 1, 2024 atang hian India ram pumah hman tan a ni dawn a. Tluang tak leh harsatna lian tham awm lova heng dan thar pathumte hi hman a nih theihna atan Mizoram Sorkar chuan theihtawp a chhuah a ni, a ti a, Criminal Law thar hmang tura sorkar hmalakna an tarlang bawk.
Dan thar hman chungchanga hmalakna atan hian Police Headquarters (PHQ) hnuaiah Committee pawimawh panga- 1) Legal Issues, 2) Technology Upgradation, 3) Training, 4) Digital Investigation leh 5) Financial Implication te din a ni a. Heng Committee te hian thil tul leh mamawh hrang hrang te zir chiangin, heng dan thar hi hlawhtling taka hman a nih theihna atan rawtna te an siam a ni, an ti.
Police mi leh sate tan Criminal Law thar pualin Mizorama District hrang hranga Police mi leh sa 1492 hnenah a belhkhawmin Training vawi 55 buatsaih a ni tawh a, Police Station staff leh Supervisory Officer zinga 93% hnenah training pek a ni tawh a ni. Hei bakah hian kohhran, School leh NGO te hnenah training pek ṭhin niin, hriat theih chinah heng training-ah te hian mi 1965 an tel a ni.
Heng district level-a Training te bakah hian Police Headquarters (PHQ) level-ah BPR&D, Mizoram Law College leh FSL Department te thawhpui niin Training hrang hrang buatsaih a ni bawk. Forensic Investigation Training hi kalpui mek a ni a, Dt.28.6.2024 ah hian zawh hman tura ruahman a ni.
Judicial Officer leh Public Prosecutors Training hi Mizoram Sorkar leh Gauhati High Court tangkawpin Ni 24 atanga Ni 29 June 2024 thleng hian nei turin a ruahman a, heta training rawn petu turte chu Judicial Academy, Assam an ni. Ni 13 – 14 June 2024 chhung khan Jail Superintendent te tan Training buatsaih tawh niin, ni 13 – 14 June 2024 khan Jailor / Asst. Jailor te tan Training pek bawk a ni a, training chhuak tawh te hian ni 24-28 June 2024 chhungin Jail Warden te hnenah training ve leh chhawng tura ruahman a ni.
Mipui nawlpui leh Police mi leh sa ngei te tan pawha inzirna turin heng Criminal Law thar atanga a pawimawh zual lawr khawmin Awareness video te English leh Mizo version ten siam a ni a. Tin, Case IO te hman tur Booklet – ‘Compendium of Forms for IOs’, ‘Handbook for IOs’ te pawh Mizoram mila siam Unit tinah thawn darh a ni bawk.
FIR, Zero FIR leh e-FIR, investigation tih laia video leh thlalak dan tur, statement record dan, FIR ziah luh, pawngsual leh mipat hmeichhiatna kaihhnawih chhuina, POCSO Act kaihhnawih leh naupang laka hleilenna thil te, chargesheet theh luh chungchangah thuchhuah/thupek (Standing Order) paruk tihchhuah tawh a ni.
Offline CCTNS system-a heng dan thar pathum hmanna tur patch te chu hlawhtling takin an test tawh a ni a, Police Station tinah hman theih turin deploy vek tawh a ni. CCTNS System Integrator thar ruai tura hmalak mek a ni bawk.
Mizoram Police chuan Mobile Forensic Van pali (4) lei tawhin heng District Headquarters viz. Aizawl, Lunglei, Champhai leh Kolasib ah te hian a dah tawh a ni.
SP Aizawl, Champhai leh Lunglei te chuan dan bawhchhiatna liantham (heinous offences)-ah te uluk taka crime scene videography an ti tan tawh bawk a ni.
Dt.15.6.2024 khan IGP(Law & Order) chuan All India Radio (AIR)-ah heng dan thar pathum chungchanga mipuite hriattur (Public Awareness) inhrilhhriatna leh inkawmna (Radio Talk) a nei bawk a ni.
Video Center hi District Police leh Police Station tina awm turin ruahman a ni.
Bharatiya Nagarik Suraksha Sanhita (BNSS) hi hmang turin Mizoram Sorkar in a pawm tawh a, Law and Judicial Department in ni 21.6.2024 hian Notification an tichhuak (issue) dawn a ni.
Latest News
ZPM in media interview phal lo
by News Editor
3
d
28 October 2025
FCAA 2023 Mizoram tan a himloh...
by News Editor
3
d
28 October 2025
Joint Civil Society in Total B...
by News Editor
3
d
28 October 2025
Dampa biala Chief Minister Spe...
by Editor
7
d
24 October 2025
Kum 10 aia rei rorelna fawng k...
by Editor
8
d
23 October 2025
Mizoram State University leh K...
by Editor
8
d
23 October 2025
Ka tlak nawn leh chuan a zahth...
by News Editor
10
d
21 October 2025
Khaw tinin hna in thawk mek a...
by Editor
10
d
21 October 2025
CYMA Finance Secretary mimal c...
by Editor
10
d
21 October 2025
Damdawiin te manganna leh hars...
by Editor
10
d
21 October 2025
Mizoramah sorkarna chelhtu kan...
by Editor
11
d
20 October 2025
Mizoramah sorkarna chelhtu kan...
by Editor
11
d
20 October 2025
MNF party hian kan ram felna t...
by Editor
11
d
20 October 2025
October 29 a ram pum huap tota...
by Editor
13
d
18 October 2025
Dr R Lalthangliana leh John Ro...
by Editor
13
d
18 October 2025
Kan kawngpui chhiat em em chha...
by Editor
14
d
17 October 2025
Thenzawl Peace City Master Pla...
by Editor
14
d
17 October 2025
K Sapdanga Sairang Rail Statio...
by Editor
17
d
14 October 2025
Lunglei West MLA T Lalhlimpuia...
by Editor
17
d
14 October 2025
Chief Minister in Hnahsin Kut...
by Editor
17
d
14 October 2025